Beyond重組無望 黃家強：唔想再同阿Paul合作!

家驹精神

十年前，Beyond三子舉行告別演唱會後，是非一直停不了，黃貫中（Paul）和黃家強如世仇般互相數臭對方，最經典的莫過於家強去年底親撰「萬言書」力數阿Paul八宗罪，「十幾年來都希望息事寧人，以為清者可以自清，退一步海闊天空，但事實唔係咁，所以先用同樣方法令對方收聲！」家強坦言Beyond早已緣盡，亦不想再跟阿Paul同台合作，「我唔憎佢，亦唔係話怕佢乜?，只係唔想再接觸，火爆唔係藉口，唔係次次話自己『硬漢子講?係咁率直』就得，我無必要諗佢將會點做人。」重提多年積怨，家強笑言或許是自己當年失言，笑仍未跟朱茵結婚的阿Paul係處男，「我講笑之嘛，都唔知點解咁嬲，如果真係有得罪，對唔住囉！」採訪：彭燕燕 攝影：李維隆 化妝：Maggie Lee 髮型：Mattew Kong@Headquarters

　　自葉世榮入紙紅館申請年底舉行《真正紀念家駒演唱會》後，即引起Beyond迷起哄，有說阿Paul不滿世榮先斬後奏，隔空表態唔會做，至於家強則說：「世榮係朋友，我會支持，大家會約出來見，但如果?個人（阿Paul）?度，會參與同台，我都唔會做！」

　　Beyond好肉酸

　　世榮係朋友，那阿Paul還是朋友嗎？家強斬釘截鐵說：「唔係！係佢要同我劃清界線的，算啦，我一次又一次咁去讓步，又破冰，都係想解決問題，但最後都出現一個咁極端局面，我覺得自己做錯了，因我讓步只會令佢覺得自己係?的，更加理直氣壯，13年我阿哥20周年，我幫阿哥搞少少紀念活動?，關佢咩事?，唔知點解佢要咁激？」

　　是非罵戰搞到Beyond好肉酸？「肉酸?好耐，所以我唔講Beyond了，我覺得Beyond已緣盡，唔會再有Beyond，所以唔再提，如果要講，講黃家駒囉，好樂意大家跟我一起講黃家駒。」家強笑言家駒還在世的話，相信阿Paul唔敢如此過份，「我覺得近幾年所受的攻擊和傷害真係好無聊，點解要去到咁地步？我問心無愧，但唔應該去承受他們無理的指責，有些人為?利益來攻擊我，（你指阿Paul和前經理人？）係，真係無辦法咪講晒出來，都係想還自己一個清白，唔係咁，佢?仲講緊。」

　　一句戲言得罪阿Paul

　　經常跟阿Paul隔空罵戰，有傳兄弟決裂全因03年阿Paul跟朱茵到蘇梅島度假，被傳媒拍到朱茵素顏穿三點式，其後阿Paul懷疑身邊有人放料，矛頭直指家強，「那時我們已分開發展，1999年至2002年一個電話都無搵過我，我何來知佢去泰國玩？同朱茵都唔熟，見面點個頭無傾過偈，其實那時大家關係未至於咁僵，點解外人屈我時，佢唔為我澄清？你自己問心啦，那兩年搵都無搵我，我點爆你行蹤?？我唔係好介意報紙雜誌亂寫屈我，第一日做呢行咩，你嬲得幾多？最嬲係後期的事。」

　　重提舊事，身旁的同事欲出手擋駕，家強卻笑笑口說：「泰國單?真係要平反，其實我又係衰，02年自己出碟做訪問，唔知頭唔知路下有人問我關於基督徒無婚前性行為的事，我唔知佢之前同人做訪問講基督徒，咁我講笑咁話阿Paul咪處男囉，我講下笑之嘛，無諗過嚴重，無諗過佢會咁嬲，其實以前一向都玩得，唔知點解突然唔玩得，可能涉及到佢老婆就唔得，咁我對唔住囉，我真係講錯?，（觸發佢條神經），係喎，可能就咁賴埋我泰國?單。」



该贴已经同步到 家驹精神的微博

1993630beyond

合体希望不大