2016/06/11 世榮Paul望年年開騷延續家駒精神

luckyfishfish

家強因為有嘢做，所以冇出現令次嘅家駒紀念騷。

【on.cc東網專訊】 由葉世榮發起紀念Beyond已故主音黃家駒的慈善紀念演唱會今晚在會展舉行，騷後世榮、黃貫中（Paul）及五人時期舊隊友劉志遠在後台受訪，講到歌迷反應熱烈，世榮坦言：「好開心，見到歌迷咁支持，好多歌手朋友都有支持，又認真改編啲歌，好認真咁對待呢個演唱會，好開心。」Paul亦謂：「做人好難得，當佢肉身已經唔係呢個世界上，但佢仍可以繼續為呢個世界做咁多嘢，戥家駒開心。」世榮亦謂在台上唱歌有感觸：「好多畫面飄過，依家都仲好激動同興奮，能夠延續佢嘅愛心，大家咁支持，我非常滿足。（覺得夠唔夠喉？）都真係唔夠喉。（會搞其他活動悼念家駒？）唔可以用悼念咁簡單，之前好多演唱會都係悼念、致敬、回憶家駒，我覺得我地嚟緊要做嘅係要延續佢嘅愛心。」

講到另一成員黃家強沒有到場支持，問到可會覺得美中不足？世榮坦言：「都有多少，但佢一早講咗呢個時間有嘢做，我只係望奇迹出現，希望年年搞，希望佢出年可以參與，希望每年6月10日都有呢個大禮物送畀家駒。」問到如果明年再開，Paul可會繼續支持？Paul表示：「頭先我喺台上都話，世榮一打畀我，我有期都即刻做，因為係好事，雖然佢（家駒）已經唔喺到，但仍然可以籌款，佢可以為世界做好事，所以可以為佢做呢啲嘢已經心滿意足。」世榮亦謂：「應該係歷年關於家駒籌得最多錢嘅一次騷。（暫時籌到幾多錢？）未知，要問番主辦單位。」講到世榮和Paul久未同台，他們表示一直有合作，只是沒有講給大家知。問到久未上台表演的遠仔可會多些回港？他表示：「其實我每兩個月都會返嚟香港，多謝世榮今次打畀我，可以見番兩個好朋友，淨係呢樣嘢已經覺得好開心。」另外，世榮表示今日有跟同事到家駒墳前拜祭：「仲叫佢今晚記得嚟睇騷。」



左起：世榮、Paul、遠仔難得在台上一齊表演。


Paul同遠仔均屬彈得之人。


世榮希望每年6月10日都搞紀念騷送畀家駒。


遠仔透露開騷前去咗拜祭家駒。


Paul話家駒雖然肉身唔喺度，但係仍然可以做善事都替家駒開心。


世榮話希望出年再搞紀念騷時家強可以參與。


久未露面嘅遠仔（右）就話每兩個月都會返香港一次。


世榮話搞今次紀念騷主要係想延續家駒嘅愛心。


永遠懷念你。


遠仔（右）話好多謝世榮（左）邀請佢參加呢個騷。

luckyfish

謝謝樓主分享。。。

海阔天空1998

世荣终于看透了，真汉子

幸運魚

謝謝分享~~~

shen115599

家强有事做，嗯。

huazi1993

肯定要啦，这种精神