娛樂蘋台 | 20160222 | 【Beyond重上舞台】詳情4月公佈！葉世榮：家強態度冇之前咁強

家驹精神

Beyond樂隊成員黃家駒喺93年發生意外離後，失去呢個「靈魂人物」，Beyond就得番三子，佢哋目前獨立發展，近年各自組織家庭，更加變得各顧各，黃家強同黃貫中（Paul）又曾爆出不和，所以Beyond要合體絕不容易，葉世榮舊年就發起搞個紀念騷，仲話要扯頭纜。

已婚有個3歲囡囡嘅葉世榮，坐言起行，仲搞得如火如荼，葉世榮噚晚喺尖沙嘴出席一個壽宴時，佢話個騷會今年6月10日喺灣仔舉行，當日係家駒54歲生忌。葉世榮又話：「去年中我都講過可以搞個真真正正可以紀念家駒嘅騷，延續同宣揚家駒愛心，希望大家記得佢畀過我嘅正能量同精神。」大家當然最關心Beyond三子係咪齊腳，葉世榮續道：「Paul應承咗，繼續努力游說家強，我同佢見過好多次面，仲傾緊，佢態度冇之前咁強硬，有講有笑，要佢改變諗法唔係一朝一夕，想Beyond重新站上舞台。」葉世榮表示當晚仲邀請咗嘉賓，詳情4月公佈，只此一場嘅演唱會，收益會捐作慈善用途。
葉世榮指家強應承出席機會有一半，佢話：「希望誠意可以打動佢。」若家強檔期唔配合，葉世榮話同Paul會照做。對於美國天后麥當娜嚟港開騷時，DJ Mary Mac暖場時播出Beyond嘅經典金曲《海闊天空》，葉世榮話覺得好榮幸。

stdg1234

四个人啊！家驹一直都在。他只是去旅行了。去找他自己喜欢的音乐，去了一个能让他自由自在玩音乐的地方。。 这次世荣要和PAUL，家强，“家驹”一起再玩过。诚感动天，相信这次世荣一定会成功的！

631523275

哎。都随缘吧

黄超

！！！

忘不了

没意思。。。。。。。