娛樂蘋台 | 20151203 | 【搶手術刀】藏獒唔怕麻醉藥 怕血黃貫中奪刀

家驹精神

【搶手術刀】藏獒唔怕麻醉藥 怕血黃貫中奪刀：一手把牙床也拉出來



一名22歲少女，日前離開元朗流浮山住所時，突遭鄰居飼養的兩頭兇猛藏獒撲擊抓傷，現已出院回家休養。兩獒犬事後被漁護署捉走，監禁七日後證實無瘋狗症獲釋，漁護署表明不排除會向狗主作出檢控。

藏獒被喻為「一獒抵三狼」，連老虎亦忌憚三分，但據香港法例，列入監管範圍的「四大惡犬」，分別是比特鬥牛䱛、阿根廷杜告狗、巴西非拉狗及日本土佐犬，藏獒則不屬此類。

阿Paul黃貫中家中亦飼養了五隻名貴藏獒，價值逾千萬，其中一隻五屆冠軍藏獒「寶帝」更是身價不菲。阿Paul視藏獒如親人，朱茵亦對狗狗疼愛有加，加上佢係睇住獒群長大，故獒群對佢亦非常忠心信任。不過囡囡出生，因為仲細個，所以阿Paul特別安排地方給五隻巨型藏獒居住。

今日淩晨五點幾，阿Paul於微博貼咗太太朱茵同藏獒「沙展」舊合照，紀錄了一件「驚心動魄」的事。阿Paul寫道:「獒群之首沙展，帶他去拔牙，吳醫生是警犬專家也不敢怠慢，打了麻醉，四人把犬抬上手術台，醫生拿手術刀，回頭一看，沙展已經在甦醒了，不成，再加麻醉，但沙展一直發出胡聲聲，醫生説：『算了吧，太強悍了！』我二話不説，把手術夾搶過來，一手把牙床也拉出來。護士暈了。我也怕血，但為了我愛的，我不會退縮。」係真唔係呀？

網民看傻了眼，有人戥狗狗痛，阿Paul受訪時解釋，其實係佢寫得誇張咗。件事係因為狗狗有爛牙，痛到不得了，四分一時間就醒了，嚇親妻女，所以要幫佢拔牙:「冇事，我都唔係第一次做刀手。獸醫話未見過不怕麻醉的狗，我惟有頂硬上。」阿Paul亦表示唔係強行「夾硬」扯出牙床，而係「反開佢個牙床，掹隻牙出嚟」。為妻女做「刀手」，都要講清楚吖……

嘉烨

这狗有点吓人

悟兼俜

拔牙了

太星

好大的狗狗！！