【新闻】东方互动- 2012/07/06 Paul驚喜：冇諗過佢咁勇 東方日報

家驹精神

黃貫中（Paul）早前曾公開招募紅館演唱會嘉賓，一副囂樣謂：「邊個夠膽就自己打電話畀我啦。」直至開騷前十天，黃德斌以Sober Band成員身份致電自薦，Paul笑言：「依家到我驚，怕佢哋當我係家明咁『嗒』咗我。」
Paul將於7月13、14日假紅館舉行演唱會，近排正忙於與30多位管弦樂手綵排的他，被問到個唱嘉賓可有敲定？他說：「有啦，咪Sober Band囉，（邊隊Sober Band呀？）咪唱《年少無知》嗰隊囉，不過林保怡喺大陸趕緊劇返唔切嚟，所以只得陳豪同黃德斌出場，我就做翻生嘅家明（劇中一角色）。」

設計結他pick
Paul大讚黃德斌的自薦構思夠創新又有驚喜，皆因當天他做電台直播，再一次在大氣電波徵求嘉賓時，就收到黃德斌的電話：「佢話自己喺一個好遠嘅地方，但都聽到我做節目，知我搵嘉賓，咪直接打電話嚟電台公開應徵囉，我真係冇諗過佢咁勇，依家我至驚佢哋會當我係家明咁食咗我。」Paul又謂演唱會當天會推出紀念版box set，附送由他設計的「怪獸BB」圖案結他pick。

唔得閒陪朱茵
問Paul可知大肚女友朱茵在微博表示「我又要去現場一起高呼：紅黑紅紅黑」，他聞言頭痛話：「如果佢嚟就大件事，因為冇人得閒照顧佢。」

至於朱茵的近況，他謂：「好好，食得瞓得，不過近期我真係好忙，冇時間陪佢，但佢好體諒，冇詐我型，我諗住做完演唱會就抽兩日時間陪佢買BB嘢。」

文：音樂組



该贴已经同步到 家驹精神的微博

beyond914

謝謝分享