11/10/14 東方日報 ~ 黃貫中細場開騷 逼歌迷埋身

家驹精神

黃貫中細場開騷 逼歌迷埋身
黃貫中與樂隊The Postman成員阿其、阿式和阿占上on.cc節目，大談樂隊成立經過。眾人相識多年，令大家的音樂產生化學作用。他們喜歡於細場地開騷，與歌迷近距離接觸。
黃貫中（Paul）與The Postman接受《娛樂on Show》主持俞詠文訪問，Paul指他們已經一齊玩音樂多年，一直想替他們改名，Postman中文意思指速遞員，負責傳遞音樂給觀眾。阿式說：「我哋都係派音樂，派passion畀人哋。好似以前會寫信畀女朋友，特別有passion！唔同依家嘅internet，冇咗個意義。」

Paul又稱大家相識廿多年，各有各音樂風格，但當大家一齊夾band，就會產生化學作用，更接近理想音樂。

不擔心安全
他們的演唱會將於較細場地舉行，Paul更希望可以有企位，令他們與觀眾更親密。他們曾經在酒吧開騷，人數比較少，但場面更擁擠。Paul說：「其實我唔在乎人數多少，最緊要觀眾投入。寧願觀眾企逼啲、開心啲。」

提到阿其早前到內地表演時，被觀眾的玻璃樽割傷，問到可會擔心今次演唱會安全？Paul說﹕「我覺得香港人未至於將玻璃樽掟來掟去，除非佢想我死啦！」他笑言不希望觀眾掟嘢上台，不過銀紙就冇所謂。

文：專案組