2017/02/02 男人幫好大膽 妻女面前與性感女合照

家驹精神

由任賢齊、蘇永康、梁漢文及黃家強組成嘅「男人幫」，新春期間遠在美國拉斯維加斯同華盛頓開演唱會。雖然第一場騷佢哋落台派利是嗰陣情況混亂，有觀眾被撞跌落地，差啲釀成意外，好彩最後有驚無險，總算順利完騷。

昨(1晚)佢哋趁有空檔，於市內四處遊覽鬆一鬆，梁漢文亦有將相片上載至微博。雖然小齊同家強嘅老婆仔女都有一齊嚟，但係呢班男人無視妻女，大模斯樣同性感女郎合照，好大嘅膽子！由於家強一家四口同行，出街要邊湊仔邊推BB車，即將做爸爸嘅蘇永康都甘拜下風。林建岳伉儷都喺賭城過年，除咗親身睇騷捧場支持男人幫，仲設宴同佢哋食飯，大派利是！之後男人幫會再飛去華盛頓繼續演出。