下周開騷念家駒 葉世榮忙裏偷閒湊女

zhanglises

on.cc東網專訊】 由葉世榮擔任發起人的《家駒...愛心延續慈善演唱會2016》，將於下周五（10號）假灣仔會展舉行，正身在北京的世榮，趁開騷前爭取時間與妻女相聚，期間當然有跟囡囡共享親子時光，世榮說：「我喺北京呢段時間都有積極練鼓練唱歌，留喺北京可以多啲時間見囡囡，帶佢去屋企周圍散步，行吓傾吓偈，我好珍惜呢段時間，享受同囡囡嘅相處日子。」

望全場同家駒講「生日快樂」

世榮日內會返港為演唱會進行綵排，今次除了他和黃貫中（Paul）演出外，其他落實演出單位超過20個，歌手包括鄧紫棋、側田、盧巧音、鄧健泓、林曉培、周啟生、胡渭康、顧芮寧，樂隊則有太極、RubberBand、Dear Jane、Zen、KOLOR、COOPER、ZolarWind及異種等；其中jam歌的部分，更有世榮與Beyond五人時期的成員劉志遠及監製Gordon（歐陽燊）演出，對此世榮說：「劉志遠今次特登喺台灣飛返香港，我最後一次同遠仔合作都差不多十年前，反而我同阿Paul平時都有一齊做活動，舊年都有做浙江衛視嘅活動。本來我有諗過搵83年成立時期嘅第一代結他手William（鄧偉謙）參與，但嗰段時間佢唔喺香港，夾唔啱時間有啲可惜。」當日是家駒54歲生忌，這一天世榮和阿Paul除了在舞台上延續家駒的愛心外，世榮亦想牽頭做一件事：「就係希望全場朋友一齊同家駒講聲生日快樂。」