2013年05月19日 【圖輯】家強辦紀念活動念家駒

家驹精神

「家駒從不喜歡哭哭啼啼，希望大家跟我一樣，快樂地告訴他，我們好好不用擔心。」 黃家強說。

不經不覺，今年係Beyond成軍三十年，亦係靈魂人物黃家駒離世二十年，雖然家駒已離開我哋二十年，但大家對佢念念不忘，身為家駒胞弟嘅黃家強，希望大家以快樂同正面心態去紀念家駒，於是就發起「今天我好好」紀念活動，圈中唔少紅星包括周潤發﹑王菲﹑劉德華﹑楊千嬅﹑陳奕迅﹑古巨基﹑鄭伊健﹑任賢齊及葉世榮等，紛紛響應，佢哋兼拍低照片贈家駒，照片收集後，就會喺家駒六月十日生忌時，砌成佢嘅圖像，作為生日禮物。