世榮拉攏開騷無望 家強拒重組Beyond「已經緣盡」 | 蘋果日報 | 娛樂 | 20150519

家驹精神

今年是黃家駒逝世22周年，葉世榮日前承認正向紅館查詢檔期，打算拉攏近年頻爆罵戰的黃家強及黃貫中將Beyond合體，舉行慈善演唱會紀念家駒。世榮更表示有信心二人會答應，惟家強在昨日凌晨新城節目《寂寞留聲群》播出的訪問，卻斷言說：「冇可能！」


■黃家強認為沒有家駒已沒有意思，更坦言Beyond已經緣盡。

■黃家強（右）昨日凌晨在電台節目中斷言，Beyond沒有可能重組。


家強說：「其實一直覺得只要大家忍讓下，係可以繼續做Beyond，冇必要𢱑爛塊臉，冇得返轉頭，呢個唔係我心目中嘅結果，但好多嘢唔係我一個人可以話咁就咁，到後來不擇手段，去到聯手攻擊我，去到呢一步，咁仲點Beyond呢？容忍有限度，唔出聲唔講，都唔肯放過我，逼到去懸崖，將所有嘢講出嚟，去到呢個位，你覺得仲有得掹咩？都逼到爆晒出嚟喇！」

■葉世榮表示會與家強再傾重組一事。資料圖片


「希望歌迷理解」
談到哥哥家駒，家強嘆謂：「問心，佢唔喺度都冇乜嘢意思，如果佢喺度，我諗我會用心好多。」他又希望歌迷理解他的決定，他更直言：「Beyond已經緣盡㗎喇！」
對於家強的表態，世榮昨在電話中說：「我會返嚟同家強傾，我暫時冇聽到佢咁講，你哋啱啱講先知。」如果家強拒絕合體會否失望？世榮說：「咁一定會，但係佢可能未聽我個plan啫！本來係蘋果啲人講到係西瓜，所以佢有咁嘅諗法，可能聽完我講會有唔同諗法，我會返嚟香港再了解。」
採訪：小米  

悟兼俜

想想也是，缘分已尽了。。。

嘉烨

再也不可能的事了

xubin3

确实缘尽，依然支持家强

家驹精神

今年是黃家駒逝世二十二周年，有指葉世榮拉攏近年頻爆罵戰的黃家強同黃貫中將Beyond合體開個唱。今日(五月二十日)黃家強回應：「任何人搞紀念家駒嘅活動，我都支持，世榮搞嘅話我更支持啦！但目前我未知道世榮有咩計劃，所以一切要等稍後和世榮傾咗先決定。(三人同台演出?)依家未接受到。總之多謝大家對家駒嘅愛護，祝大家健康快樂。」