2013年07月08日 Paul隔空寸家強 撐世榮一拍即合

家驹精神

2013年07月08日(一)

歌手葉世榮前晚在九展開騷，現場有林建名及緋聞女友何傲兒撐場，黃家強就送上花牌支持，甫開場，着上箭豬外套的世榮唱出多首重金屬作品。
而在點唱環節，世榮應粉絲要求唱出《海闊天空》、《光輝歲月》等經典金曲送贈黃家駒，而壓軸嘉賓黃貫中（Paul）上台時就暗寸黃家強說：「我喺微博知阿榮開騷，我留言叫佢加油，佢就邀請我嚟玩，唔使十個字就搞掂！」雖然三缺一，但二人合唱《金屬狂人》成為全晚高潮！臨近尾聲，世榮就唱出佛歌祝福粉絲。

三子唔易同台
完騷後，世榮說家強知道Paul會來，亦曾說過會到場，但最後因為要出騷才不能現身，又強調自己無留意二人的「八卦嘢」，問到三子可有望同台？世榮不諱言話：「安排上唔容易ｏ架，是旦叫一個又畀人話，叫齊兩個又以為重組，到時又要解釋，我就嚟斷氣喇。」

至於家強前晚擔任賢齊的個唱嘉賓，二人合唱Beyond經典，大會更播出家駒的片段，三人隔空對唱《海闊天空》，小齊叫粉絲們支持家強，家強說：「希望大家會掛住家駒，我便滿足。」


该贴已经同步到 家驹精神的微博

家驹精神

歌手葉世榮前晚開騷，獲黃家強送上花牌支持。世榮特意唱出《海闊天空》獻給黃家駒，而嘉賓黃貫中（Paul）一出場便說：「我喺微博留言叫你加油，你就請我上嚟玩，唔使十個字搞掂晒！」似暗寸早前與家強的微博罵戰，縱然缺少家強，兩子合唱《金屬狂人》掀全晚高潮！受訪時，世榮指家強有事「嚟唔到」，又指三子同台很難安排：「淨係叫一個又畀人話，叫晒兩個又以為重組，解釋到斷氣喇！」
另外，家強前晚擔任任賢齊個唱嘉賓，大會播出家駒片段，三人隔空合唱，場面感人！家強還對觀眾講：「希望大家會掛住家駒，我就滿足！」