黄贯中 林海峰是但噏我願意《半斤八两》(相片和視頻)

WO爱驹

林海峰（Jan）前晚於紅館開騷論盡愛情趣事，玩寸天王天后「瞞婚事件」，更自創踩界潮語，引爆無限笑聲。
前晚《林海峰是但噏我願意》揭開序幕，Jan的太太彭羚及家人現身打氣，由於主題圍繞婚禮，Jan絕不會放過「瞞婚」熱話！Jan鼓勵觀眾到賭城結婚，等於向全世界公布婚訊，又嘲楊千嬅惡啃，難明丁子高願意接收，又嘲「黎樂」結婚是第三類接觸：「佢哋結婚係關郭富城同熊黛林嘅事，因為天王得番城城未結婚，但阿城嘅事，好似又唔關熊黛林事，係關Mango事！」
分享相處之道Jan更滑稽地解說乳豬為第一道菜的原因：「隻豬喺兩個人之間好重要，結婚後『BB豬』（稱號）就變『死嘢』，呢個係『BB豬』嘅出殯儀式！」其後他傾訴婚後轉變，形容太太除Bra「啪啪」聲似足《英雄本色》槍聲：「我以為自己會死喺老婆亂Bra之下！」Jan更自創踩界潮語，請來黃貫中以粗口諧音勁唱《半斤百両》，笑爆全場。最後葛民輝變身教宗主持神級婚禮，Jan坐在巨型鑽戒唱出老婆彭羚首本名曲《小玩意》空降台前，並有巨型BB豬、金鈪及蛋糕。問Jan有否將親身經歷擺上枱，他說：「七分真、三分假！（有冇對彭羚唱《小玩意》？）禍不及妻兒，都係搵啖飯食啫！」