重返Beyond昔日Band房 雷有輝憶往事
【on.cc東網專訊】樂隊太極應葉世榮邀請參與「家駒....愛心延續慈善演唱會」，太極主音雷有輝（Patrick）接受《東網》訪問，Patrick說：「係呀，我哋好開心有份喺個台度Jam吓，其實頭先啱啱去埋二樓後座（Beyond昔日嘅band房）為個騷錄咗隻歌，我哋同世榮傾咗一陣。（Beyond三子不能合體，會唔會好遺憾？）大家唔好咁執着呢樣嘢，畀個空間佢哋，係佢哋自己內部嘅事，大家畀啲自由佢哋自己去選擇，最緊要係個精神喺度，擺番Beyond個精神喺個心裏面係最緊要，合唔合體相信係個形式，係好表面嘅嘢。」
諗起Band趣事
Patrick說：「頭先錄音時，錄完後我哋同世榮一齊傾揀歌，睇吓嗰晚唱乜歌，Joey Tang（鄧建明）話揀啲冷門嘅都得，因為好多耳熟能詳嘅歌，第二啲歌手揀咗，Beyond都有好多其他好好聽嘅歌，大家有咩意見？想我哋唱乜歌可以畀吓意見，頭先監製Gordon歐陽，大家講起有番以前個回憶喺度，好有夾band嗰種活力、熱血，監製仲話我哋咁大個仲係咁百厭，諗番起嗰時好正，一齊打band，或者喺錄音室見到Jam嘢時候，好多美好片段返晒嚟。」 谢谢楼主分享
页:
[1]