娛樂蘋台 | 20150714 | 【囡囡三歲喇】女兒在北京讀學前班 世榮：兩邊走好辛苦
葉世榮及Mr.等，今晚喺新蒲崗天主教伍華中學，出席「屬於我們的放榜打氣音樂會2015」。
世榮表示以前Beyond年代經常做校園騷，講到明天放榜，佢話回想當年放榜時，自己唔抱希望，因為自己鍾意音樂，壓力唔算大，而家人亦冇乜畀壓力自己，佢自己盡力就OK，出嚟成績唔太差。
世榮表示囡囡已經三歲，六月底過咗生日，佢話囡囡0依家喺北京讀學前班。問到囡囡會否返香港讀書？世榮話如果兩邊走會好辛苦，因為佢自己工作及公司都喺北京，照顧小朋友幾花心思。點同囡囡慶祝生日？世榮話都係食飯同切蛋糕，送禮物都係玩具，又指囡囡鍾意玩車仔。
咁囡囡鍾唔鍾意音樂？佢話囡囡鍾意嘅音樂同佢唔同，囡囡鍾意唱歌跳舞，睇下囡囡大個鍾唔鍾意掂樂器，不過就讚女兒有節奏感。
話題又去到Beyond演唱會，問到進展如何？佢話：「繼續努力﹗其實希望大家走埋一齊做慈善活動，延續（黃）家駒愛心，當年家駒鍾意做慈善，0依家年代比較少。」
世榮續說：「Beyond走埋一齊，唔係重組只喺重聚，好單純嘅演唱會。」有指黃家強態度強硬，世榮表示：「佢講嘢都有佢觀點，我同佢講唔係要求重組，只係走埋一次，五﹑六月時都同家強傾過，希望大家有停火協議，火係心中嘅火，佢之後態度冇咁激。」
又講到家強指Beyond難以返埋一齊，因為家強覺得冇咗家駒，係一個缺憾嘅Beyond，世榮就話：「我都覺得啱。」咁黃貫中態度如何？世榮話：「佢隨時OK，0依家欠家強，等佢消化下，就算紅館Book場都要時間。」
世荣这表情，好像被什么吓了一跳 很喜欢世荣
页:
[1]