on.cc東網06月16日(二) 黃家強預咗大陸主辦商將Beyond「合體」
【on.cc東網專訊】 歌手黃家強到電台宣傳新碟《沉香》，他表示近日忙於到大陸登台吸金：「為兩餐，搵錢啫，幾乎全大陸都去勻晒，有時會去啲好奇怪嘅地方。」問到內地主辦商可會用Beyond名義作招來？家強說：「預咗架啦，有時會寫係Beyond前成員，『黃家強』三隻字會大隻啲，唔會用得咁盡，大家睇新聞都知冇可能再有Beyond同台。」
問到可有時間與一對仔仔慶祝父親節？家強說：「諗住帶佢哋去郊野公園，唔去主題公園喇，老婆負責整午餐，我教佢哋放風箏同踩單車。」提到家強父親去年不幸病逝，問今年父親節可會特別有感觸？家強說：「上年父親節爸爸已經唔喺度，比較擔心媽媽心情同身體狀況多啲，爸爸走嗰陣，佢成日諗埋一邊，依家OK啲，都會多啲番去陪佢。」他又因工作關係不時四圍飛，將陪伴媽媽的重責交給太太及兒子。
页:
[1]