懶理與前經理人是非 家強同老婆酒吧Relax
黃家強上月初喺微博發表文章大爆Beyond解散嘅真正原因，引起咗一陣子嘅風波，不過時間係可以沖淡一切，好似呢日娛樂CIB就喺圓方見到家強同日籍老婆Makiko恩愛行街Shopping，行完街仲去露天酒Bar食煙飲啤酒，不知幾咁享受。
50歲嘅黃家強同日籍老婆Makiko喺06年結婚，之後仲生咗兩個仔，分別係7歲嘅黃慶陽同2歲黃曜陽，家強不時會喺微博上載同兩個仔嘅合照。但上個月家強喺微博發表文一篇以「真相」為題嘅文章，大爆Beyond解散嘅真正原因，係黃貫中唔想再養葉世榮，佢仲提及同Beyond前經理陳健添嘅版稅問題，家強話留完呢個言之後，從此退出微博，又以自己同家人嘅性命擔保，指絕冇講大話。之後陳健添就以萬字回應家強，仲叫家強收番佢嘅言論。
娛樂CIB日前就見到家強同日籍老婆Makiko喺圓方行街，撇底兩個仔拍拖，睇家強心情似乎唔錯，同老婆有講有笑，仲去咗Hermès買銀包，睇嚟家強係買畀自己，因為佢拎咗個新銀包，試下放唔放到落自己個褲袋，老婆喺旁邊畀意見，最後就梗係有收穫，佢哋仲去睇名牌手錶，家強滔滔不絕畀意見。濕平完兩個去咗商場嘅露天酒吧，家強邊食煙邊飲酒，咁識享受，真羨慕死人！
{:titter:} 北京演唱会后又见家强叔了。{:19:} 我以为他不吸烟了 家强最近烟瘾挺大啊。。。那天看到他排练完了就在抽。真想跟他后面，捡他烟头看看啥牌子的
页:
[1]