【圖輯】葉世榮開騷 黃貫中任嘉賓 - 20130707 - 《蘋果日報》即時新聞
葉世榮噚晚喺九展舉行薪火相傳音樂會，大唱Rock歌，全場歌迷high爆，世榮喺台上唱Beyond嘅《海闊天空》、《光輝歲月》送比黃家駒。壓軸嘉賓係Beyond黃貫中（Paul），兩兄弟一見面即擁抱，佢哋合唱一首《金屬狂人》，嗌爆會場。世榮受訪時，佢話都有請家強做嘉賓，不過佢要幫老闆任賢齊嘅深圳演唱會做嘉賓，所以嚟唔到，佢話家強知Paul嚟都會嚟，只係佢（家強）唔得閒，不過家強都有送上花籃祝世榮音樂會成功。
咁家強同Paul兩個仲有冇不和？世榮話：「呢個你問佢哋，我唔想八卦，兩個都係我好兄弟﹑好朋友。」
至於Paul就係微博大讚世榮：「看世榮那份自信，我感到很釋懷，搖滾樂！」 谢谢楼主分享 支持贯中！
页:
[1]