2013年05月19日 教兩子相依為命
黃家強與日籍太太Makiko育有兩名兒子慶陽（6歲）及曜陽（1歲），跟哥哥家駒情深緣淺，自然對兩子的感情有所投射，他說：「一直教佢（大仔）大佬點錫細佬，我話你要保護細佬，因為將來只得你兩個，拜我山都係得你兩個嚟，將來你兩個要相依為命、互相照顧扶持，所以一定要感情好，遲啲細仔大啲會教佢點錫阿哥。」至於太太Makiko，家強明白太太來港，身在異地並不容易：「喺香港搵學校都幾難，佢好盡責亦好叻，其他嘢我盡量幫佢。」問到太太知道他的粉絲會熱情攬住自己老公時可會呷醋？家強笑說：「都會㗎，但冇乜所謂嘅，呢個係我工作，歌迷嘅親暱嘢唔關乎感情，我覺得冇乜嘢，佢都係講笑啫！」
页:
[1]