【新闻】东方互动- Paul爆朱茵戲癮大心思思想復出
本帖最后由 缘希 于 2013-5-20 17:35 编辑榮升爸爸的黃貫中為搵奶粉錢搏到盡，於新片被扑傷右眼兼遭車撞以致周身傷亦毫無怨言。他透露太太朱茵產後專心坐月，已回復未生B前的苗條身形，更指太太戲癮大，不排除復出幕前。
黃貫中（Paul）榮升爸爸後工作不斷，電影工作一部接一部，昨日他又為泰迪羅賓監製新片《末日大派對》與張國強等人開工。
回復魔鬼身材
Paul透露太太朱茵產後在陪月陪同下專心坐月，身形已回復未生B前的魔鬼身材。問到太太是否有意復出幕前？他說：「我估佢都係，佢有時睇我拍戲都心癮大o架！」他坦言不反對太太復出幕前：「佢鍾意點就點啦，都唔會阻止嘅，如果第日個女再大啲再諗辦法囉。」
於新片飾演警員的Paul透露需要應付大量動作場面：「之前拍咗槍戰，又要拎摺櫈打交，點知被棍扑中右眼受傷，仲要被車撞到周身傷。因為我想逼真啲，所以唔用替身要親身上陣。（太太擔心？）返到屋企佢都有慰問我，但佢都係演員，會明白嘅，佢都知我份人性格會搏到盡。」
爭取時間湊女
Paul亦在微博上載一張被車撞的相片，並留言：「演員最好玩的地方就是可以嘗試很多不同的狀況，譬如：被車撞。哎……」他又指日以繼夜拍攝，已經兩日沒睡覺。雖偶爾有兩、三小時回家休息，但亦會把握機會與兩個月大的囡囡玩，他說：「點知個女一見我就皺眉頭！」
哎呀~~茵姐已经按耐不住~~要出山了~~pual哥肯定不会愿意的啦~~
页:
[1]